ज्ञानेन्द्र कुमार श्रेष्ठको जन्म वि.सं. २०३६ साल बैशाख १७ गते काभ्रेपलाञ्चोक जिल्लामा भएको हो। पहाडी भूगोल, कृषिप्रधान जीवनशैली र आपसी सहयोगको समाजमा हुर्किँदै उहाँले बाल्यकालदेखि नै मेहनत, अनुशासन र सामाजिक उत्तरदायित्वको महत्व बुझ्नुभयो। स्थानीय जीवनका वास्तविक चुनौती शिक्षा, स्वास्थ्य र पूर्वाधारको अभाव नजिकबाट अनुभव गर्नुले उहाँको दृष्टिकोण व्यवहारिक र समुदायमुखी बन्न सहयोग पुर्‍याएको छ। उहाँका पिता लोक बहादुर श्रेष्ठले पारिवारिक संस्कार, इमानदारी र सामाजिक जिम्मेवारीलाई जीवनको आधारका रूपमा अगाडि बढाउनुभयो। वैवाहिक जीवनमा उहाँले परिवारसँगको सुमधुर सम्बन्ध कायम राख्दै सामाजिक सक्रियता र राजनीतिक प्रतिबद्धतालाई सन्तुलनमा राख्न सफल हुनु भएको छ।